Ֆինանսական գործիքներ թողարկողներին ՀԿԴ-ն առաջարկում է հետևյալ հիմնական ծառայությունները.

1. Անվանական արժեթղթերի սեփականատերերի ռեեստրի վարում եւ պահպանում.`

Ստորև տեղադրված են ՀԿԴ-ի հետ ռեեստրի վարման պայմանագիր կնքելու համար անհրաժեշտ փաստաթղթերը, ինչպես նաև պայմանագրի օրինակելի ձևը`

- Դիմումի ձև,

- Արժեթղթերի սեփականատերերի (անվանատերերի) ցուցակ,

- Լիազորագրի ձև,

- Լիազորված անձի անձնագրի պատճեն (լիազորագրի  ներկայացման դեպքում),

- Տեղեկանք,

- Տնօրենի  անձնագրի պատճեն

- Իրավաբանական անձանց պետական ռեգիստրի գրանցման վկայականի պատճեն (ներառյալ բոլոր ներդիրները),

Դիտել թողարկողի և ՀԿԴ-ի միջև կնքվող` անվանական արժեթղթերի սեփականատերերի (ավանատերերի) ռեեստրի վարման պայմանագրի օրինակելի ձևը

2. Արժեթղթերի տեղաբաշխմամբ պայմանավորված ծառայություններ, այդ թվում`

• թողարկվող (դեռևս չտեղաբաշխված) արժեթղթերի և դրանց թողարկողների մասին տեղեկությունների մուտքագրում ռեեստր,
• թողարկողի թողարկման հաշվի բացում,
• թողարկվող դեռեւս չտեղաբաշխված արժեթղթերի հաշվեգրում թողարկողի հաշվին,
• թողարկողի թողարկման հաշվից արժեթղթերի դուրս գրում եւ հաշվեգրում դրանց սեփականատերերի անձնական հաշիվներ:

3. Թողարկողի կորպորատիվ գործողություններով պայմանավորված ծառայություններ, այդ թվում`

թողարկողի տվյալ դասի արժեթղթերի բաժանման, կոնսոլիդացիայի, փոխարկման, կամ թողարկողի վերակազմակերպման արդյունքում արժեթղթերի փոխարկման դեպքում համապատասխան գրառումների կատարում ռեեստրում,

• թողարկողի կողմից իր տվյալ դասի արժեթղթերի հետ գնման կամ ձեռք բերման արդյունքում այդ արժեթղթերի հաշվեգրում թողարկողի անձնական հաշվին,
• թողարկողի կողմից կորպորատիվ գործողության իրականացման արդյունքում գրանցված սեփականատերերին (անվանատերերին) իրենց անձնական հաշիվներում կոտորակային արժեթղթերի հաշվառման վերաբերյալ գրավոր ծանուցում,
• թողարկողի կողմից կորպորատիվ գործողության իրականացման արդյունքում առաջացած կոտորակային արժեթղթերի գրանցված սեփականատերերի (անվանատերերի) ցուցակի տրամադրում թողարկողին:

4. Գրանցված սեփականատերերի ցուցակի տրամադրում, այդ թվում`

"Արժեթղթերի շուկայի մասին" ՀՀ օրենքի համաձայն, կարգավորվող շուկայում առևտրին թույլատրված ընկերությունների թողարկողները` բացառությամբ ՀՀ Կառավարության, ՀՀ Կենտրոնական բանկի, կրթական, բարեգործական կամ շահույթի ստացման նպատակ չհետապնդող կազմակերպությունների, ինչպես նաև որոշակի տեսակի արժեթղթեր թողարկող բանկերի և միջազգային կազմակերպությունների (մանրամասների համար տես Օրենքը) պետք է իրենց արժեթղթերի սեփականատերերի ռեեստրի վարումն իրականացնեն Հայաստանի Կենտրոնական Դեպոզիտարիայի միջոցով: Եթե ընկերությունը պլանավորում է ցուցակվել ՆԱՍԴԱՔ ՕԷՄԷՔԱ Արմենիա-ում, ապա նա պետք է, նախ, դիմի ՀԿԴ-ին` կայքի այս էջի սկզբում նշված ռեեստրի վարման պայմանագիր կնքելու նպատակով:

Ուշադրություն. Հաճախորդների կողմից Դեպոզիտարիայի հանդեպ ստանձնած պարտավորությունները ժամանակին չկատարելու հետևանքում առաջանում են պատասխանատվության միջոցներ, Դեպոզիտարիայի «Սակագների մասին» կանոնների և Դեպոզիտարիայի հետ կնքված պայմանագրերին համապատասխան:

Ծառայությունների սակագների մասին կարող եք տեղեկանալ ՀԿԴ Սակագների մասին կանոններից:

Ռեեստրի վարման բաժնի հաճախորդների սպասարկման ժամերն են՝ 9:00-ից մինչ 16:00, երկուշաբթի – ուրբաթ: 

• թողարկողի կամ ՀՀ օրենքներով սահմանված այլ անձանց կողմից իրենց իրավասության շրջանակներում տրված հարցման հիման վրա արժեթղթերի գրանցված սեփականատերերի ցուցակի տրամադրում,
• թողարկողների հարցման հիման վրա իրենց անվանական արժեթղթերով կատարված գործառնությունների վերաբերյալ տեղեկանքի տրամադրում:

Լրացուցիչ տեղեկությունների համար կարող եք զանգահարել ՀԿԴ Ռեեստրի և քլիրինգի բաժին` +374 10 589 151, լրաց. 126, 127, 128 հեռախոսահամարներով: