ՆԱՍԴԱՔ ՕԷՄԷՔՍ Արմենիա-ում ներկայումս առկա են ցուցակվող ընկերությունների և նրանց արժեթղթերի նկատմամբ տարբեր մակարդակի պահանջներ նախատեսող հետևյալ բորսայական ցուցակները.

Բաժնետոմսերի համար.

- Հիմնական ցուցակ (A)

Պահանջներն են` 

• Սեփական կապիտալի նվազագույն մեծությունը` 1 մլրդ ՀՀ դրամ,
• Թողարկողի կողմից իրականացվող գործունեության նվազագույն ժամկետը` 3 տարի,
• Թողարկողի գործունեության վերջին 3 տարիների ֆինանսական հաշվետվությունները հաստատված են անկախ աուդիտորի կողմից,
• Գործունեության վերջին երեք տարիներն ավարտված են զուտ շահույթի դրական մեծությամբ,
• Գրանցված սեփականատերերի նվազագույն թիվը` 100 սեփականատեր,
• Բաժնետոմսերի ազատ շրջանառող մասը` նվազագույնը 15%:

- Երկրորդային ցուցակ (B)

Պահանջներն են`

• Սեփական կապիտալի նվազագույն մեծությունը` 500 մլն ՀՀ դրամ,
• Թողարկողի կողմից իրականացվող գործունեության նվազագույն ժամկետը` 3 տարի,
• Թողարկողի գործունեության վերջին 3 տարիների ֆինանսական հաշվետվությունները հաստատված են անկախ աուդիտորի կողմից,
• Բաժնետոմսերի ազատ շրջանառող մասը` նվազագույնը 10%:

Կորպորատիվ պարտատոմսերի համար.

- Հիմնական ցուցակ (Abond)

Պահանջներն են`

• Թողարկողի կողմից իրականացվող գործունեության նվազագույն ժամկետը` 3 տարի,
• Թողարկման նվազագույն ծավալը` 500 մլն ՀՀ դրամ,
• Թողարկողի գործունեության վերջին 2 տարիների ֆինանսական հաշվետվությունները հաստատված են անկախ աուդիտորի կողմից:

Այն ընկերություններն ու արժեթղթերը, որոնք չեն համապատասխանում վերը նշված չափանիշներին, կարող են ՆԱՍԴԱՔ ՕԷՄԷՔՍ Արմենիա-ի կողմից թույլատրվել բորսայական առևտրին ` բաժնետոմսերի և պարտատոմսերի համար նախատեսված, համապատասխանաբար, C և Cbond ազատ շուկաներում: Առավել մանրամասն տեղեկություններ ստանալու համար կարող եք այցելել կայքի Առևտրին թույլատրում բաժինը:

ՆԱՍԴԱՔ ՕՄԷՄԷՔՍ Արմենիա-ում ցուցակվելու կամ առևտրին թույլատրվելու հայտ ներկայացնող բոլոր ընկերությունները պետք է իրենց բաժնետերերի ռեեստրի վարումն իրականացնեն Հայաստանի Կենտրոնական Դեպոզիտարիայի միջոցով:

Բորսայական ցուցակներին և ցուցակման պահանջներին տեղեկանալու համար կարող եք ծանոթանալ նաև ՆԱՍԴԱՔ ՕԷՄԷՔՍ Արմենիա-ի Արժեթղթերի ցուցակման և առևտրին թույլատրման կանոններին: Համապատասխան ծառայությունների սակագները կարող եք գտնել բորսայի Սակագների մասին կանոններում:

Ցուցակման հետ կապված հարցերով կարող եք դիմել ՆԱՍԴԱՔ ՕԷՄԷՔՍ Արմենիա-ի Ցուցակման ղեկավար Ներսես Հակոբյանին, հեռ.` +374 10 54 33 21 լրաց.120: