25.02.2010

26.02.2010թ.-ից “ՎԱԼԼԵՏՏԱ” ՍՊԸ-ի պարտատոմսերի երրորդ թողարկումը (VALTB3) ցուցակվելու է ՆԱՍԴԱՔ ՕԷՄԷՔՍ Արմենիա-ում`Cbond ազատ շուկայից տեղափոխվելով Bbond ցուցակ: Պարտատոմսերի այս թողարկումը բորսայում շրջանառում է 25.09.2008թ.-ից, և` առևտրին թույլատրվածից ցուցակվածի նրա կարգավիճակի փոփոխությունը կատարվել է “ՎԱԼԼԵՏՏԱ” ՍՊԸ-ի դիմումի համաձայն, հաշվի առնելով Bbond ցուցակի համար գործող բոլոր չափանիշներին համապատասխանելու փաստը:

Հարկ է նշել միաժամանակ, որ “ՎԱԼԼԵՏՏԱ” ՍՊԸ-ն երկար պատմություն ունի Հայաստանի կապիտալի շուկայում. ընկերության պարտատոմսերի առաջին թողարկումը բորսայում ցուցակվել է դեռևս 25.09.2007թ.-ին, իսկ երկրորդ թողարկումը մարվել է 26.12.2009թ.-ին:
“ՎԱԼԼԵՏՏԱ” ՍՊԸ-ն իր գործունեությունը ծավալում է 1990թ.-ից` աշխատելով արտադրության, մեծածախ և մանրածախ առևտրի, ինչպես նաև հանրային սննդի սպասարկման և ժամանցային ծառայությունների բնագավառներում: Ընկերության կառուցվածքը, մասնավորապես, ներառում է “Սթար” ցանցի սուպերմարկետները, “Էս-Էֆ-Սի Էքսպրես” և “Պլենեռ” ռեստորանները, “Կոմֆորտ” խանութների ցանցը (այդ թվում` “Արիստոն” և “Արդո” ապրանքանշանի ներքո կենցաղային տեխնիկայի ներմուծում և վաճառք), ինչպես նաև “Բիէլլա” մսամթերքի սեփական արտադրությունը:

11.02.2010

12.02.2010թ.-ին մարվում է "ԷԼԻՏ ԳՐՈՒՊ" ՓԲԸ-ի պարտատոմսերի առաջին թողարկումը (ELTGB1)` 131,375,000 ՀՀ դրամ ծավալով: Ընկերության  այս թողարկման պարտատոմսերը 19.08.2008թ.-ից թույլատրված են եղել առևտրին ՆԱՍԴԱՔ ՕԷՄԷՔՍ Արմենիա-ի Cbond ազատ շուկայում: